Аԥсны Адәныҟатәи аусқәа рминистрра гәалсра дула иазгәанаҭоит зеиԥш ҟамлац, инеиԥынкыланы адәныҟатәи ақәыӷәӷәара инамаданы ирыдыркылаз Аԥсны Аҳәынҭқарреи иареи рдипломатиатә еизыҟазаашьақәа раанкыларазы Ареспублика Науру иаднакылаз аӡбамҭа амчыла ҟазшьа шамоу.

Ҭырқәтәылатәи Ареспублика аҟны иҟоу Аԥсны Аҳәынҭқарра азинмчы нагӡа змоу ахаҭарнак Ибраҳим Аҩӡба дидикылеит Ҭырқәтәыла иҟоу Урыстәылатәи Афедерациа ацҳаражәҳәаҩ Сергеи Вершинин

Ԥхынгәымза 24, 2026 шықәса рзы Аԥсны Адәныҟатәи аусқәа рминистр Олег Барцыци Аԥсны иҟоу аҷыдалкаатә зинмчы змоу Урыстәылатәи Афедерациа ацҳаражәҳәаҩ Виачеслав Гладкови реиԥылара мҩаԥысит.

Аԥсны Адәныҟатәи аусқәа рминистрра Боливариантәи Ареспублика Венесуела Адәныҟатәи аусқәеи адәныҟатәи ахәаахәҭреи рминистрра адныҳәаларатә нота азынанашьҭит Аԥсны Аҳәынҭқарреи Боливариантәи Ареспублика Венесуелеи рыбжьара адипломатиатә еизыҟазаашьақәа шьақәгылеижьҭеи жәаф шықәса аҵра инамаданы.

Ԥхынгәы 23 рзы Аԥсны иазгәарҭоит Аҳәынҭқарратә бираҟ Амш. Аныҳәа шьаҭаркуп рашәарамза 3, 2005 шықәсазы иҭыжьыз Аԥсны Аҳәынҭқарра Азакәан № 1056-С-XIV ашьаҭала, иагьазкуп Владислав Григори-иԥа Арӡынба ихантәаҩрала ԥхынгәымза 23, 1992 шықәсазы Аԥсны Иреиҳаӡоу Асовет аҭоурыхтә ӡбара.

Аекономикеи ааглыхреи рминистрреи, жәларбжьаратәи ацәыргақәҵақәеи аџьырмыкьақәеи Русбарҭеи рааԥхьарала Шьамтәылатәи Арабтә Республикаҿы Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Муҳаммад Али 63-тәи Дамастәи Жәларбжьаратәи аџьармыкьа аусмҩаԥгатәқәа рыпрограмма аӡыргара иазкыз аофициалтә пресс-конференциа ихы алаирхәит.

Ԥхынгәымза 19, 2026 шықәса рзы Ареспублика Никарагуа Адәныҟатәи аусқәа рминистрра ааԥхьарала Ареспублика Никарагуа иҟоу аҷыдалкаатә зинмчы змоу Аԥсны ацҳаражәҳәаҩ Алиас Аибеи Ацҳаражәҳәарҭа абжьгаҩ-ацҳаражәҳәаҩ Наур Хышбеи Асандинисттә револиуциа 47-шықәса ахыҵра иазкыз аныҳәа рхы аладырхәит.

Аԥсны Адәныҟатәи аусқәа рминистр Олег Барцыц Ареспублика Никарагуа Адәныҟатәи аусқәа рминистрцәа Денис Роналдо Монкад Колиндреси Вальдрак Лиудвинг Џьентск Уитакери дрыдныҳәалеит Асандинисттә револиуциа Аиааира 47 шықәса ахыҵра инамаданы.

Кавказтәи ассоциациақәа Рфедерациа аделегат (КАР), Аднан Мендерес иуниверситет адоцент, Ҭырқәтәыла иҟоу аԥсуа диаспора ахаҭарнак Ельчин Аӡынԥҳа, ашьагәыҭ жәларқәа рзинқәа рыхьчаразы Еиду амилаҭқәа реиҿкаара Аексперттә механизм 19-тәи асессиа лхы алалырхәит (ԥхынгәымза 13-17, 2026 ш.)

Ԥхынгәымза 17, 2026 шықәса рзы Аԥсны Адәныҟатәи аусқәа рминистр Олег Барцыц Аԥсны Аҳәынҭқарра ахада Бадра Гәынба агәраргагатә шәҟәқәа иҭара иазкыз аныҳәатә церемониа ихы алаирхәит.

Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела Адәныҟатәи аусқәа рминистр Феликс Рамон Пласенсиа Гонсалес идиныҳәалеит Венесуела Адәныҟатәи аусқәеи адәныҟатәи ахәаахәҭреи рминистрс иҟалара.

Ԥхынгәымза 14, 2026 шықәса рзы Аԥсны Адәныҟатәи аусқәа рминистр Олег Барцыц Аԥсны иҟоу аҷыдалкаатә зинмчы змоу Урыстәылатәи Афедерациа ацҳаражәҳәаҩ Виачеслав Гладков диԥылеит.

Ԥхынгәымза 13, 2026 шықәса рзы Аахыҵ-Уаԥстәылатәи аҳәынҭқарратә университет (ИУОГУ) аҿы Ниурнбергтәи апроцесс ахыркәшара 80-шықәса ахыҵра иазкыз Жәларбжьаратәи аҭҵаарадырра-практикатә конференциа «Ниурнберг: ареабилитациа азин ыҟамкәаа» мҩаԥысит.

Ԥхынгәымза 13, 2026 шықәса рзы Аԥсны Адәныҟатәи аусқәа рминистр Олег Барцыци Аԥсны иҟоу аҷыдалкаатә зинмчы змоу Урыстәылатәи Афедерациа ацҳаражәҳәаҩ Виачеслав Гладкови реиԥылара мҩаԥысит.

Ԥхынгәымза 13, 2026 шықәса рзы Аԥсны Адәныҟатәи аусқәа рминистр Олег Барцыц ихы алаирхәит ашәҟәы «Иҳаҩсхьоу аҵабырг» аӡыргара.

Ԥхынгәымза 10, 2026 шықәса рзы Аԥсны АдәАР астратегиатә усеицура Адепартамент аиҳабы Џьемал Бганба «Киевтәи арежим ацәгьоурақәа: Херсонтәи аобласт аграждантә уааԥсыра рганахьала атеррор» ҳәа атема ала жәларбжьаратәи ателецҳа ихы алаирхәит.

Ԥхынгәымза 9, 2026 шықәсазы Аԥсны Адәныҟатәи аусқәа рминистр Олег Барцыци Ростов-на-Дону иҟоу Аԥсны Аҳаҭыртә консул Адик Аршбеи русуратә еиԥылара мҩаԥысит.

Аԥсны Адәныҟатәи аусқәа рминистрра Шьамтәылатәи Арабтә Республика Адәныҟатәи аусқәеи аҳәаанырцә иҟоу аекспатриантцәа русқәеи рзы аминистрра адышшылара анота азынанашьҭит.

Ԥхынгәы 6 рзы Аԥсны Аҳәынҭқарра Адәныҟатәи аусқәа рминистр Олег Барцыц Аҟәа ақалақь шьаҭаркуижьҭеи 2510 шықәса аҵра аиубилеи иазку аныҳәатә усмҩаԥгатәқәа рылахәхаразы официалла атәылахь иааз Ареспублика Гана аделегациа идикылеит.

Ԥхынгәы 7 рзы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр Олег Барцыци Ҭырқәтәылантәи аԥсуа диаспора ахаҭарнак, Аднан Мендерес Иуниверситет (Ҭырқәтәыла) адоцент Ельчин Аӡынбеи реиԥылара.