Аԥсны Адәныҟатәи аусқәа рминистр Олег Барцыц Аԥсны иҟоу Приднестровиатәи Молдавиатәи Ареспублика Аофициалтә Хаҭарнакра аиҳабы Гарри Кәпалба имшира идиныҳәалеит.
Адныҳәалараҿы иазгәаҭоуп:
"Шәара шәԥышәа беиеи адипломат ҟәыӷа иҟазара ҳаракқәеи аҩ-ҳәынҭқаррак рҿы иахәҭоу апатуқәҵареи аҳаҭыри роуит. Аԥсны Аҳәынҭқарреи Приднестровиатәи Молдавиатәи Ареспубликеи рыбжьара ҩ-ганктәи аизыҟазаашьақәа рырӷәӷәараҿы шәлагала ахә ашьара залшом".
Олег Барцыц Гарри Кәпалба изеиӷьеишьеит агәабзиара, аԥсҭазааратә гәамчхара ду.