Цәыббрамза 2, 2026 шықәса рзы москваҟа усутә ныҟәарала инеиз, Аԥсны Аҳәынҭқарра Жәларбжьаратәи акультура-усутә центр анагӡаратә директор Олег Лакоба, амилаҭтә павильон амузеи-цәыргақәҵатә експозициа аконцепциа анагӡара апроцесс акоординациа азуразы анардадаҩцәа дырԥылеит.

Ацәыргақәҵатә ҵакыра еиднакылоит аԥсуа культуреи абзазареи рҷыдара аазырԥшуа аҭоурыхтәи акультуратәи хәҭақәа. Иара убасгьы ҳаамҭазтәи амультимедиатә технологиақәа рыцхыраарала аҭааҩцәа ироуеит Аԥсны Аҳәынҭқарра аԥсабареи, акультуреи, аҭоурыхи ирызку аинформациа аилкаараз алшара. Хазы иӡыргахоит атәыла акурорт-туристтә лшарақәа.

Азал хадаҿы аконцерттә программақәеи, иара убас асеминарқәеи, егьырҭ амассатә усмҩаԥгатәқәеи рымҩаԥгара азԥхьагәаҭоуп.

Апартниортә еиҿкаара алархәны Аԥсни Урыстәылеи ркультуратәи рҭоурыхтәи еимадарақәа аазырԥшуа аекспозициа азԥхьагәаҭоуп.

Уажәазы ВДНХ аганахьала анардадаҩцәа имҩаԥырго аремонттә усурақәа хыркәшам. Апавильон «Аԥсны» аԥсуа ган иаҭам – агхақәа раԥыхра иахҟьаны. Аобиект адкылара-аҭара мҩаԥгахоит ҩ-ганктәи акомиссиа аӡбамҭа ашьҭахь. Аекспозициа аргылара мҩаԥысуеит аамҭа аиҷаҳареи аобиект аусура аларгара арццакреи хықәкыс иҟаҵаны, ҳәа азгәеиҭеит Олег Лакоба.

(МКДЦ – Аиҳабырабжьаратә еиқәшаҳаҭра «ВДНХ аҿы Аԥсны ахәаахәҭра-цәыргақәҵатә центр аԥҵарази», иара убас Аиҳабырабжьаратә еиқәшаҳаҭра «Урыстәылатәи Афедерациаҿы Аԥсны акультура-информациатә центрқәа раԥҵарази» рзы ахыдҵақәа назыгӡо икоммерциатәым фондуп).