Ҳаҭыр зқәу арҵаҩцәа, Аԥсны Аҳәынҭқарра аҵарадырра аусзуҩцәа!
Аҵарадырра аусхк Аԥсны Аҳәынҭқарра аҿиараҿы ихадақәоу ируакуп, уи акраамҭатәи аизҳазыӷьара шьаҭас иамоуп. Аҵара ахаҭабзиара ҳҳәынҭқарра ԥхьаҟа жәларбжьаратәи аренаҿы амилаҭтә интересқәа ӷәӷәала, агәра ганы, хра рыманы рыхьчара алшара ишиашоу иадҳәалоуп.Иахьа хықәкылатәи шәусура иабзоураны аҵаҩцәа иактуалтәу адыррақәа роуеит, аморал-етикатә закәанеидкыла «Аԥсуара» адоуҳатә хырхарҭақәа рыҽрыладырхәуеит, рхатәы бызшәеи, рҭоурыхтә ҵабырги, милаҭрацәала еилоу ҳажәлар ииашаны изхыҽхәо иуникалтәу аҭынхеи рыхьчашьа рҵоит.
Ари арҿиаратә миссиа ишьақәгыло аполицентрикатә дунеиеиҿкаара иаҿырԥшны абжь ҷыда аанахәоит. Ареалиа ҿыцқәа раан агуманитартә шәага-зага аҳәынҭқаррабжьаратә еизыҟазаашьақәа иузырҟәымҭхо уасхырны иҟалоит.
Аҿар атрадициатә беиарақәеи аԥсадгьыл гәык-ԥсыкала абзиабареи рыла ианышәааӡо, иӷәӷәоу, узықәгәыӷша абаза шьҭашәҵоит Аԥсны Аҳәынҭқарра абжьы анҭыҵгьы игаларц, адәныҟатәи адунеии иареи рееицәажәара аҽарҭбааларц, ҳтәыла аҳаҭыр аҽарӷәӷәаларц азы.
Гәык-ԥсыкала иҭабуп ҳәа шәасҳәар сҭахуп шәхамеигӡареи аус гәык-ԥсыкала шәазыҟазаареи рзы. Ишәзааигәоуи шәареи ишәзеиӷьасшьоит агәабзиара, аманшәалара, шәзанааҭ аҿы аихьӡара ҿыцқәа.
Агәра ганы сыҟоуп, иҳаракӡоу шәыпрофессионализм аринахысгьы еиҵагыло абиԥара рааӡараҿы, Аԥсны Аҳәынҭқарра аҿиареи аманшәалареи рҿы хәы змаӡам алагала шыҟанаҵало.
Аныҳәа шәыдысныҳәалоит!