Иахьа имшира азгәеиҭоит Аԥсны Аҳәынҭқарра Адәныҟатәи аусқәа рминистр ихаҭыԥуаҩ Иракли Ҭыжәба. Ҳаҭыр зқәу Иракли Вахтанг-иԥа!

Аԥсны Аҳәынҭқарра Адәныҟатәи аусқәа рминистрра аколлектив ахьӡала гәык-ԥсыкала ҳадныҳәаларақәа шәыдышәкыл шәымшира инамаданы!

Шықәсырацәалатәи шәзанааҭтә усура, шәдырра аҩаӡара ҳаракы, иаашәырԥшуа аҭакԥхықәра, амаҵзуратә уснагӡатәқәа рыӡбара ишәаны-изаны шәазнеишьа Аԥсны Аҳәынҭқарра адәныҟаполитикатә курс анагӡараҿы илагала дууп. Иарбоу ахырхарҭала аусура азҵаарақәа жәпакы рзы хра злоу аӡбамҭақәа рыԥшаара адырра ҵаулақәа, ахачҳара, алшара аҭахуп.

Гәык-ԥсыкала ишәзеиӷьаҳшьоит агәабзиара, аманшәалара, аҭакзыԥхықәу азанааҭтә усураҿы ԥхьаҟатәи ақәҿиарақәа. Шәҽазышәарақәа шәҿаԥхьа иқәшәыргылаз ахықәкқәа рынагӡара ирыцхраалааит, ишәымоу аԥышәеи шәколлегацәа иҟарҵо адгылареи акрызҵазкуа ауснагӡатә ҿыцқәа рыӡбаразы узықәгәыӷша шьаҭаны иҟазааит. 

Ҳаҭырла, Аԥсны Адәныҟатәи аусқәа рминистрра аколлектив.