Аԥсны Аҳәынҭқарра адәныҟатәи аусқәа рминистр Олег Барцыц зхадараҿы дыҟоу Аԥсны Аҳәынҭқарра аделегациа Сҭампыл иҟоу Урыстәылатәи Афедерациа Аконсурал хада иаҭааит, Сҭампыл иҟоу Урыстәылатәи Афедерациа аконсул хада Александр Калачиов иԥылара мҩаԥысит.
Аиԥылара рхы аладырхәит Аԥсны акультура аминистр Даур Ақаҩба, Аԥсны афинансқәа рминистр Саид Гәбаз, иара убас Ҭырқәтәылатәи Ареспубликаҿы иҟоу Аԥсны Аҳәынҭқарра азинмчы Змоу ахаҭарнак Ибраҳим Аҩӡба.
Аиԥылараан имҩаԥысит аԥсуа-аурыс мшхәаԥштә актуалтә зҵаарақәа рзы агәаанагарақәа реимдара, Ҭырқәтәылатәи Ареспубликаҿы иҟоу аԥсуа диаспора ркультуратә еинырреи аус рыдулареи рызҵаарақәагьы уахь иналаҵаны.
Александр Калачиов далацәажәеит Аконсулра хадеи Ҭырқәтәылатәи Ареспубликаҿы иҟоу Аԥсны Аҳәынҭқарра азинмчы змоу Ахаҭарнакреи аԥсуа диаспора ахаҭарнакцәеи еицымҩаԥырго апроектқәа ртәы. Иазгәаҭан аинырра хырхарҭарацәала аҿиара ишаҿу, игәылҭәаау еицырзеиԥшу амшхәаԥштә шамоу.
Хазы ахшыҩзышьҭра аҭан аԥсуа культуратә центрқәа Рфедерациеи аԥсуа диаспореи рмилаҭ-культуратә традициақәа реиқәырхареи, агуманитартә еимадарақәа рыҿиареи, еицырзеиԥшу апроектқәа рынагӡареи рҿы иааныркыло ароль.
Аиԥылара ахыркәшамҭаз Александр Калачиов аделегациа Сҭампыл иҟоу Урыстәылатәи Афедерациа Аконсулра хада аусура атәы рзеиҭеиҳәеит, адипломатиатә хаҭарнакра ахыбраҿы аекскурсиа мҩаԥигеит.
