2024 шықәса цәыббра 20 аҽны Боливариантәи Ареспублика Венесуела иҟоу Аԥсны Аҳәынҭқарра азинмчнагӡеи аҷыдалкаатә напынҵақәеи змоу ацҳаражәҳәаҩ Заур Ӷәаџьаа Венесуела аомбундсмен Альфредо Хосе Руиса Ангуло инаԥхьарала Жәларбжьаратәи аҭынчра Амш амҩаԥгара далахәын.

Ауснагӡатә мҩаԥысит Каракас, аомбудсмен иаппарат аштаб-квартираҿ.

Ауснагӡатә иалахәын Боливариантәи Ареспублика Венесуелаҿ аккредитациа зҭо адипломатиатә кмиссиақәа рыцҳаражәҳәаҩцәа, рхаҭарнакцәа, АИХқәа рхаҭарнакцәа, инаԥхьаз асасцәа, Венесуела ашьагәыҭуаа.

Заур Ӷәаџьаа дрыҿцәажәеит Венесуела иҟоу Урыстәыла ацҳаражәҳәаҩ Сергеи Мелик-Багдасарови Ареспублика Беларусь Венесуела иҟоу ацҳаражәҳәаҩ Андрееи Молчани. Аганқәа алацәажәеит атәылақәа реизыҟазаашьеи адунеижәларбжьаратә ҭагылазаашьеи.