Лаҵарамза 14, 2026 шықәса рзы Сҭампыл МККК абжьаҟазарала 1992-1993 шш. рзы Аԥсны Жәлар рџьынџьтәылатә еибашьра аамҭазы хабарда ибжьаӡыз ауаа рыԥшааразы Акоординациатә механизм аилатәара мҩаԥысит.

Лаҵара 13 рзы Ҭырқәтәылатәи Ареспубликаҿы усутә визитла иҟоу Аԥсны Аҳәынҭқарра аҟынтәи аделегациа Ҭырқәтәыла иҟоу Аԥсны Аҳәынҭқарра азинмчнагӡа змоу Ахаҭарнакра иаҭааит, Ахаҭарнакра аусура шцо еилыркааит.

Лаҵарамза 13, 2026 шықәсазы Аԥснытәи аҳәынҭқарратә университет аҿы Аԥсны Адәныҟатәи аусқәа рминистрраҟны иҟоу адипломат ҿарацәа рхеилак ААУ «Жәларбжьаратәи аизыҟазаашьақәа рҭоурыхи ртеориеи» акафедра астудентцәа рзы алектори еиҿнакааит.

Аԥсны адәныҟатәи аусқәа рминистр Олег Барцыц Приднестровтәи Молдавтәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Александр Ватаман иира амш идиныҳәалеит.

Сҭампыл иҟоу Урыстәылатәи Афедерациа аконсул хада Александр Калачиов иааԥхьарала Ҭырқәтәылатәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Ибрагим Аҩӡба, Аԥсны Жәлар Реизара-Апарламент адепутатцәа Рашида Аиба, Дмитри Маршьаниа, Демур Гогьиа 1941-1945 шш. Аџьынџьтәылатәи еибашьра Дуӡӡа аҿы Аиааира агара Амш 81-шықәса ахыҵра инамаданы аныҳәатә дкылара рхы аладырхәит.

Аԥсны адәныҟатәи аусқәа рминистр Олег Барцыц Идырым асолдаҭ ибаҟа амҵан ашәҭ шьыҵәрақәа рышьҭаҵара ацеремониа ихы алаирхәит.

Аԥсны Адәныҟатәи аусқәа рминистр Олег Барцыц Приднестровиатәи Молдавиатәи Ареспублика Адәныҟатәи аусқәа рминистр Витали Игнатиев Аџьынџьтәылатә еибашьра Ду аҟны игаз Аиааира Амш идиныҳәалеит.

Аԥсны Адәныҟатәи аусқәа рминистр Олег Барцыц Аахыҵ Уаԥстәыла Адәныҟатәи аусқәа рминистр Ахсар Џьиоев Аџьынџьтәылатәи еибашьра Дуӡӡаҿы Аиааира агара Амш идиныҳәалеит.

Аԥсны Адәныҟатәи аусқәа рминистр Олег Барцыц Урыстәылатәи Афедерациа Адәныҟатәи аусқәа рминистр Сергеи Лавров Аџьынџьтәылатәи Еибашьра Дуӡӡаҿы Аиааира агара Амш идиныҳәалеит.

Иахьа ҳара иазгәаҳҭоит акрызҵазкуа арыцхә – 1941-1945 шықәсқәа рызтәи Аџьынџьтәылатә еибашьра Дуӡӡа аҟны игаз Аиааира 81-шықәса ахыҵра.

Ҭырқәтәыла иҟоу Аԥсны азинмчра нагӡа змоу ахаҭарнак Ибрагим Аҩӡба, Ҭырқәтәыла иҟоу Аԥсуа Федерациа ахада Иауз Аҭрышба, Анталиа иҟоу Аԥсуа культуратә Центр ахантәаҩы Шамиль Махариа Акультуратә центр анапхгара алархәны Аԥсны аӡыргара мҩаԥыргеит аԥсабареи аспорти бзиа избо Рыклуб «Торос» (TODOSKAR) аҟны, Анталиа.

Аԥсны Аҳәынҭқарра аҟынтәи аделегациа Ҭырқәтәылатәи Ареспубликаҿы усутә визитла иҟоуп. Уи аилазаара иалоуп: Жәлар Реизара-Апарламент адепутатцәа: Рашида Аиба, Дмитри Маршьан, Демур Гогьиа, Нарсоу Салаҟаиа, Асҭамыр Џьопуа, Аԥсадгьыл ахь архынҳәразы Аҳәынҭқарратә еилакы ахантәаҩы Баграт Боџьгәуа, ахантәаҩы ихаҭыԥуаҩ Џьансыхә Лазба, ахантәаҩы иабжьгаҩ Вадим Ҳаразиа, аиҿкаара-зинтә ҟәша аиҳабы Аслан Сангәлиа, ҳџьынџьуаа рымадаразы аҟәша аиҳабы Инал Хәытаба.

Лаҵарамза 5, 2026 шықәса рзы Берлин имҩаԥысит Европа аенергетикатә сектор аҿы аенергетикатә шәарҭадареи уажәтәи аҭагылазаашьеи рызҵаарақәа ирызкыз «Евразиатәи ауаажәларра» (Eurasien Gesellschaft e. V.) еиҿнакааз ауаажәларра-експерттә еимак-еиҿактә еиԥылара.

Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Заур Ӷәаџьаа, Венесуела иҟоу Ареспублика Никарагуа Ацҳаражәҳәарҭа ааԥхьарала, Никарагуа амилаҭтә ҳаҭырқәҵара Амш иазкыз аныҳәатә усмҩаԥгатәқәа ихы рылаирхәит.

Мшаԥымза 20-30, 2026 шықәсазы Аԥсны Адәныҟатәи аусқәа рминистрра аусзуҩцәа апрограмма «Жәларбжьаратәи аизыҟазаашьақәа. Урыстәыла адәныҟатәи аполитика" иахысит Урыстәыла Адәныҟатәи аусқәа рминистрра МГИМО Адипломатиатә академиаҿы.

Аԥсны Адәныҟатәи аусқәа рминистрра Урыстәыла Адәныҟатәи аусқәа рминистрра иатәу МГИМО Адипломатиатә академиа амагистратура апрограммақәа рҭаларазы Аԥсны атәылауаа рҟынтәи арзаҳалқәа рыдкылара ишалаго азы алаҳәара ҟанаҵоит:

Мшаԥы 29 рзы Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Аофициалтә Хаҭарнакраҿы имҩаԥысит Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Азинмчы змоу ахаҭарнак Александр Ватамани Приднестровиатәи Аҳәынҭқарратә Университет азиндырратә факультет 4-тәи акурс астудентцәеи реиԥылара.

Қырҭтәыла аҳәынҭқарратә шәарҭадара Амаҵзура иакьыԥхьыз 2025 шықәсазтәи аҳасабырба Қырҭтәыла ажәытә идеологиатә догмақәа рҽырцәыхьчареи ишьақәгылаз агеополитикатә ҭагылазаашьақәа обиективла ахәшьара рыҭареи шзалымшо даҽазныктәи шьақәырӷәӷәароуп. Адокумент жәашықәсала еизыргаз, аполитизациа зызуу аклишеқәеи апропагандатә штампқәеи реизгоуп, Аԥсны Аҳәынҭқарра асуверенитет адискредитациеи иаанхо арегионалтә ҭышәынтәаламзаара амзыз иашақәа идырны реицакреи хықәкыс иамоуп. Ақырҭуа ган «ампыҵахалара» иазкны ишьақәырӷәӷәам атезис атираж аҟаҵара иаҿуп, идырны иазхьаԥшуам Аҟәеи Москвеи реизыҟазаашьақәа аԥсуа жәлар рхы иақәиҭны ргәаҳәареи рхатәҳәаақәҵаразы рзини шьаҭас измоу зформат наӡоу аҳәынҭқаррабжьаратә партниорра аҟазшьа шрымоу.

Аԥсны Адәныҟатәи аусқәа рминистр Олег Барцыц Ф. А. Искандер ихьӡ зху Аҳәынҭқарратә аурыс драматә театр адиректор хада Иракли Хынҭәба имшира идныҳәалоит.

Мшаԥымза 27, 2026 шықәса рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Заур Ӷәаџьаа Венесуела Адәныҟатәи аусқәа рминистрра ааԥхьарала аҭынчра ахьӡала аганрацәареи адипломатиеи Жәларбжьаратәи рымш азгәаҭара иазкыз аконференциа ихы алаирхәит.