Ҳара ҳхы азышьҭны азхьаԥшра аҳҭеит Европатәи адәныҟатә еимадарақәа рзы Амаҵзура апресс-маӡаныҟәгаҩ иҟаиҵаз аҳәамҭа, уа иаҳәоит: “Европатәи Аидгыла жәларбжьаратәи азин ала иазхаҵоу Қырҭтәыла аҵакыратә акзаареи асуверенитети ирыдгылоит. 2025 шықәса жәабранмза 15 азы иоккупациа зызуу Аԥсны арегион ҳәа изышьҭоу аҿы имҩаԥысыз Аҳәынҭқарра ахада иалхрақәа ирызкны иаҳгәалаҳаршәоит Европатәи Аидгыла урҭ зламҩаԥысыз аконституциатәи азинтәи ҳәаақәа ирықәшаҳаҭым. Европатәи Аидгыла азхамҵаратәи аинтеграциатәи политика амҩаԥгара иацнаҵоит”.

Германиа традицианы иҟалеит есышықәса ачерқьес-аԥсуа культуратә центрқәа рфестиваль ZEXES ақалақь Мионхенгладбах аҿы амҩаԥгара, уи ақалақь акультуратә центр анапхгаҩцәа еиҿыркаауеит.

Аԥсны адәныҟатәи аусқәа Рминистрра аҿы Кавказнҭыҵ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа рыцхантәаҩцәа: Еиду Амилаҭқәа Реиҿкаара аҟынтәи - Џьихан Султаноглу, Европатәи атәылақәа Реидгыла аҟынтәи - Магдален Гроно, иара убас Европатәи атәылақәа Реидгыла Ашәарҭадара Аиҿкаара аҟынтәи - Кристоф Ернст Спати.

Адипломат имш инадҳәаланы Аԥсны Адәныҟатәи Аусқәа рминистрра Приднестровие Молдавиатәи Ареспублика адныҳәалара азыҟанаҵеит.

Аԥсны Аҳәынҭқарра Адәныҟатәи Аусқәа рминистрра Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистррахь адныҳәалара нанашьҭит.

Игор Мураҭ-иԥа Аԥсны иахьатәи аҭоурых аҿы адипломатиа аҿиараҿы иналукааша хаҿуп, азинмчы змоу Ахаҭарнакра, анаҩс Урыстәылатәи Афедерациаҿ Аԥсны Аҳәынҭқарра Ацҳаражәҳәарҭа ашьақәыргылара ахыҵхырҭаҿы игылаз уа ҩуп.

Ҳара азхьаԥшра аҳҭеит Into the Open Music Festival «Rituals» (Берлин) асаит аҿы «ақ. Сохум аҳәынҭқарратә драматә театр» ҳәа изышьҭоу азы аинформациеи афестиваль аҳәаақәа ирҭагӡаны уи ақәгыларақәеи ирызкыз акьыԥхьымҭа.

Ажьырныҳәамза 24 рзы, Боливиа Амилаҭрацәатә ҳәынҭқарра Ацҳаражәҳәарҭа ааԥхьарала, Никарагуа иҟоу Аҷыдалкаатә Зинмчы змоу Аԥсны Аҳәынҭқарра ацҳаражәҳәаҩ Инар Ладариа Боливиа Амилаҭрацәатә ҳәынҭқарра ашьаҭаркра Амш иазкыз аусмҩаԥгатә далахәын.

Аԥсны Аҳәынҭқарра ахадарахьы акандидат Олег Барцыц агазеҭ "Чегемскаиа правда" аредактор Инал Ҳашыг аинтервиу анииҭоз иҳәеит Урыстәылатәи Афедерациаҿ иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Игор Ахба "... уажәы Ацҳаражәҳәарҭаҿы аус иуӡом..." ҳәа, Аԥсны Аҳәынҭқарра адәныҟатәи аусқәа Рминистрра уи иҟаиҵаз аҳәамҭа инамаданы иазгәанаҭоит Игор Мураҭ-иԥа Ахба ҳазҭоу аамҭазы Урыстәылатәи Афедерациаҿ иҟоу Аԥсны Аҳәынҭқарра Ацҳаражәҳәарҭа абжьгаҩ имаҵураҭыԥ ааникылоит ҳәа.

Приднестровиатәи Молдавиатәи Ареспублика адәныҟатәи аусқәа Рминистрраҿы Приднестровиатәи Молдавиатәи Ареспублика адәныҟатәи аусқәа рминистр Витали Игнатиеви, ПМР Аԥсны Аҳәынҭқарра Азинмчы наӡа змоу ахаҭарнак Александр Ватамани, ПМР Аахыҵ Уаԥстәылатәи Ареспублика Аофициалтә Хаҭарнакра анапхгаҩы Витали Ианковскии реиԥылара мҩаԥысит.

Адәныҟатәи аусқәа рминистр инапынҵақәа назыгӡо Сергеи Шамба Приднестровиатәи иколлега Витали Игнатиев Аԥсны Аҳәынҭқарреи Приднестровиатәи Молдавиатәи Ареспубликеи рыбжьара аиҩызареи аусеицуреи рзы Аиқәшаҳаҭра анапаҵыҩра 32 шықәса ахыҵра инамаданы адныҳәаларатә шәҟәы изишьҭит.

Ҳазҭоу ашықәс ажьырныҳәа 20 рзы Приднестровиа Молдавиатәи Ареспублика актәи Ахада икабинет аҿы Игор Смирнови Приднестровиа иҟоу Аԥсны Аҳәынҭқарра Азинмчы змоу ахаҭарнак Александр Ватамани реиԥылара мҩаԥысит.

2025 шықәса ажьырныҳәамза 15 рзы Боливариантәи Ареспублика Венесуела адәныҟатәи аусқәа Рминистрра ааԥхьарала, Венесуела иҟоу Аҷыдалкаатә Зинмчы змоу Аԥсны Аҳәынҭқарра ацҳаражәҳәаҩ Заур Ӷәаџьаа Аҳәынҭқарра Ахада Николас Мадуро Морос атәылахь есышықәса иҟаиҵо ааԥхьаратә уснагӡатә ихы алаирхәит.

2025 шықәса ажьырныҳәа 14 рзы Приднестровиа Молдавиатәи Ареспублика Иреиҳаӡоу Ахеилак аҿы Приднестровиа иҟоу Аԥсны азинмчы змоу ахаҭарнак Александр Ватамани ПМА Иреиҳаӡоу Ахеилак ахада Александр Коршунови аусеицура азҵаарақәа ирылацәажәеит.

Ажьырныҳәа 10, 2025 шықәсазы Боливариантәи Ареспублика Венесуела Адәныҟатәи аусқәа Рминистрра ааԥхьарала, Венесуела иҟоу Аҷыдалкаатә Зинмчы змоу Аԥсны Аҳәынҭқарра ацҳаражәҳәаҩ Заур Ӷәаџьаа Венесуела Аҳәынҭқарра ахадас иалырхыз Николас Мадуро Морос имаҵураҭыԥ аанкылара ацеремониа ихы алаирхәит.

Урыстәылатәи Афедерациа адәныҟатәи аусқәа Рминистрра асаит аҿы икьыԥхьуп ажәахә –“Аҳәаанырцәтәи атәылақәа рҿы Урыстәыла атәылауааи аџьынџьуааи рзинқәа реилагаразы” (Урыстәылатәи Афедерациа адәныҟатәи аусқәа Рминистрра ажәахә)

Аахыҵ Уаԥстәылатәи Ареспублика адәныҟатәи аусқәа Рминистрра Аԥсны Аҳәынҭқарра адәныҟатәи аусқәа Рминистррахь адашшыларатә шәҟәы аарышьҭит Гал араион Папанырхәа ақыҭан иҟалаз абылра иахҟьаны ахәыҷқәа рҭахара инамаданы.

Гал араион Папанырхәа ақыҭан амцакра иахҟьаны хәҩык ахәыҷқәа ахьҭахаз арыцҳара инамаданы, Аԥсны Аҳәынҭқарра ахада инапынҵақәа назыгӡо Бадра Гәынба иқәҵарала ажьырныҳәамза 6 Аԥсны лахьеиқәҵаратә мшны ишьоуп.

2024 шықәса ԥхынҷкәынмза 19 рзы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела адәныҟатәи аусқәа рминистр Иван Хиль Пинто иҟаиҵаз ааԥхьарала, ашықәс анҵәамҭеи иааиуа Қьырса ныҳәеи Ашықәс ҿыцтәи аныҳәақәеи ирызкны Венесуела аккредитациа змоу адипломатиатә хаҭарнакцәа ирзымҩаԥгаз аныҳәатә усмҩаԥгатә ихы алаирхәит. Аиԥылара мҩаԥысит Венесуела адәныҟатәи аусқәа рминистрраҿы.

2024 шықәса ԥхынҷкәынмза 18 рзы, Ареспублика Никарагуа иҟоу Урыстәылатәи Афедерациа ацҳаражәҳәаҩ Михаил Ледениов инаԥхьарала, Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариа Урыстәылеи Никарагуеи рыбжьара адипломатиатә еизыҟазаашьақәа рышьақәгылара 80- шықәса ахыҵра иазкыз аныҳәатә-дкылара ихы алаирхәит.