Ажәабжь ҿыцқәа
Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә республика адәныҟатәи аусқәеи аҳәаанырцә иҟоу аџьынџьуаа русқәа рзы аминистр Асад Ҳасан Аль-Шаибани иахь хаҭалатәи ашәҟәы ишьҭит.
2025 шықәса ԥхынгәы 7 азы Боливариантәи Ареспублика Венесуела иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела иҟоу аҷыдалкаатә зинмчы змоу ацҳаражәҳәаҩ Андреи Молчан инаԥхьарала, Белоруссиа ахьыԥшымра Амш азгәаҭареи Белоруссиа аҵакырадгьыл анацисттә мпыҵахалаҩцәа рҟынтәи ахақәиҭтәра 81 шықәса ахыҵра азгәаҭареи ирызкыз ауснагӡатә ихы алаирхәит.
2025 шықәса ԥхынгәы 5 азы Берлин ақалақь аҿы еиуеиԥшым акультурақәеи ажәларқәеи рхаҭарнакцәа еидызкылаз аҭаҭарцәа рмилаҭтә ныҳәа «Сабантуи» азгәаҭара иазку аусмҩаԥгатә мҩаԥысит. Аусмҩаԥгатә лхы алалырхәит Германиатәи Афедеративтә республикаҿы иҟоу Аԥсны Аҳәынҭқарра азинмчы змоу ахаҭарнак Хьыбла Амҷыԥҳа.
Аԥсны Аҳәынҭқарра адәныҟатәи аусқәа рминистр Олег Барцыц Приднестровие Молдавиатәи Ареспублика адәныҟатәи аусқәа рминистр Витали Игнатиев иирамш идиныҳәалеит.
07.07.2025 264
Ԥхынгәы 4 азы, Аԥсны Аҳәынҭқарра аҭагылазаашьа ҷыдақәа рминистрра аусура ахацыркра арыцхә инамаданы, Аԥсны адәныҟатәи аусқәа рминистрра аусзуҩ Асҭамыр Асабуа Аԥсны Аҳәынҭқарра Ахада Идҵа “Аԥсны Аҳәынҭқарра адәныҟатәи аусқәа рминистрра Аԥсны Аҳәынҭқарра иаку адәныҟатәи аполитика анагӡараҿы ароль” аҳәаақәа ирҭагӡаны Аԥсны Аҳәынҭқарра аҭагылазаашьа ҷыдақәа рминистрра амедал ианашьоуп.
Аԥсны Аҳәынҭқарра адәныҟатәи аусқәа рминистр Олег Барцыц Ареспублика Ҭаџьикисҭан иҟоу Урыстәылатәи Афедерациа аҷыдалкаатә зинмчы змоу ацҳаражәҳәаҩ Семион Григориев ииубилеи идиныҳәалеит.
2025 шықәса рашәара 26 азы, Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Венесуела Адәныҟатәи аусқәа рминистрра ааԥхьарала, Еиду амилаҭқәа реиҿкаара шьаҭаркуижьҭеи 80 шықәса аҵра иазкны, Венесуелатәи аган аԥшьгамҭала «Еиду амилаҭқәа реиҿкаара Аԥҟаԥҵәа ахьчаразы аиҩызцәа Ргәыԥ» алахәылацәа еиҿыркааз аиԥылара ихы алаирхәит.
27.06.2025 253
Аԥсны Аҳәынҭқарра Адәныҟатәи аусқәа рминистрра астратегиатә усеицура Адепартамент аиҳабы Џьемал Бганбеи аконсултә Департамент аиҳабы ихаҭыԥуаҩ Роман Цымцбеи Урыстәылатәи Афедерациа Аиҳабыра Ақәҵара № 1510 (07.11.2024ш.) «Урыстәылатәи Афедерациа аҳәаанырцәтәи атәылауааи атәылауаҩра змам ауааԥсыреи ралалареи ралҵреи рзы аԥҟарақәеи аҭагылазаашьақәеи ргәаҭаразы аексперимент амҩаԥгаразы» амчра аиура иазку, авидеоконференциа аформат ала 80 ҳәынҭқарреи жәларбжьаратәи аиҿкаарақәеи рхаҭарнакцәа алархәны Урыстәыла ацифра аминистрра еиҿнакааз абрифинг рхы аладырхәит.
2025 шықәса рашәара 26 азы, Женева ақалақь аҿы, Кавказ ашәарҭадареи аҭышәынтәалареи рзы Жәларбжьаратәи аиҿцәажәарақәа 64-тәи рраунд аҩбатәи аусуратә мшы мҩаԥган.
27.06.2025 386
Шьамтәылатәи Арабтә Республикахь аусуратә визит аан, Аԥсны Аҳәынҭқарра адәныҟатәи аусқәа рминистр Олег Барцыц даҭааит аԥсуа хылҵшьҭра змоу, еицырдыруа шьамтәылатәи ашәҟәыҩҩы Фадиль Арҩҭаа инышәынҭра, ҳаҭырлагьы дигәалаиршәеит.
27.06.2025 310
Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә Республикахь иусуратә визит аҳәаақәа ирҭагӡаны, Шьамтәыла иҟоу аԥсуа-адыгатәи ачерқьестәи диаспорақәа рхеидкылақәа рхаҭарнакцәа рԥыларақәа жәпакы мҩаԥигеит.
27.06.2025 212
Олег Барцыц Шьамтәылатәи Арабтә Республика иҟоу Аԥсны Аҳәынҭқарра Ацҳаражәҳәарҭахь днеит, уаҟа Аԥсны Аҳәынҭқарра ацҳаражәҳәаҩ Муҳаммад Али диԥылеит, егьырҭ Ацҳаражәҳәарҭа аусзуҩцәа русура шымҩаԥысуа еиликааит.
Дамаск ақалақь Тишринтәи ахан аҟны Аԥсны Аҳәынҭқарра адәныҟатәи аусқәа рминистр Олег Барцыци Шьамтәылатәи Арабтә Республика адәныҟатәи аусқәеи аҳәаанырцә иҟоу аџьынџьуаа русқәеи рзы аминистр Асад Ҳасан Аль-Шаибании реиԥылара мҩаԥысит.
2025 шықәса рашәара 25 азы, Женева ақалақь аҿы, Кавказ ашәарҭадареи аҭышәынтәалареи рзы Жәларбжьаратәи аиҿцәажәарақәа 64-тәи рраунд актәи аусуратә мшы аҳәаақәа ирҭагӡаны, аԥсуа ган аԥшьгарала, жәларбжьаратәи аекспертцәа алархәны, ԥкырада аныҟәара атемала аинформациатә сессиа мҩаԥган.
26.06.2025 253
Аԥсны Аҳәынҭқарра адәныҟатәи аусқәа рминистрра Аԥсны Аҳәынҭқарра атәылауаа азхьанарԥшуеит 30.06.2025ш. азы амчра заураны иҟоу Урыстәылатәи Афедерациа Аиҳабыра ирыдыркылаз Ақәҵара No1510 «Аҳәаанырцәтәи атәылауааи атәылауаҩра змам ауааи Урыстәылатәи Афедерациа ралалареи ралҵреи рзы аԥҟарақәеи аҭагылазаашьақәеи ргәаҭаразы аԥышәара амҩаԥгаразы» (07.11.2024ш.) аганахь ала Аԥсны Аҳәынҭқарра адәныҟатәи аусқәа рминистрра Урыстәылатәи Афедерациа адәныҟатәи аусқәа рминистррахь инанашьҭыз азыҳәа аҭакс адырраҭара шааз.
2025 шықәса рашәара 25 азы Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә Республика усуратә визитла даҭааит. Аминистр дицуп адәныҟатәи аусқәа рминистр ихаҭыԥуаҩ инапынҵақәа назыгӡо Иракли Ҭыжәба.
2025 шықәса рашәара 23 азы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела Адәныҟатәи аусқәа рминистрра ааԥхьарала, Венесуела ахада ихаҭыԥуаҩ Делси Родригеси адәныҟатәи аусқәа рминистр Иван Хиль Пинтои имҩаԥыргаз изаамҭанытәим аиԥылара ихы алаирхәит.
2025 шықәса рашәара 20 азы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела иҟоу Урыстәылатәи Афедерациа ацҳаражәҳәаҩ Сергеи Мелик-Бадагдасаров инаԥхьарала аусмҩаԥгатә "Агәалашәара ацәашьы" ихы алаирхәит.
Аԥсны адәныҟатәи аусқәа рминистрра 2025 шықәса, рашәара 22 рзы Дамаск ауахәамаҿы иҟалаз атеррористтә қәылара инамаданы Шьамтәыла адәныҟатәи аусқәеи аҳәаанырцә иҟоу аџьынџьуаа русқәа рзы аминистррахь адышшыларатә шәҟәы нанашьҭит.