Ажәабжь ҿыцқәа
29.08.2025 164
Дамаск ақалақь аҿы, 62-тәи Жәларбжьаратәи ахәаахәҭра-ааглыхратә цәыргақәҵа аҳәаақәа ирҭагӡаны, Ареспублика Аԥсны аделегациа Шьамтәыла иҟоу ачерқьесстә ансамбль аконцерт иаҭааит. Уи инанагӡеит амилаҭтә аԥсуа-дыгатә жәлар рыкәашарақәа.
28.08.2025 325
Аԥсны адәныҟатәи аусқәа рминистр Олег Барцыц Аԥсны иҟоу Аахыҵ Уаԥстәыла Аҷыдалкаатә зинмчы змоу ацҳаражәҳәаҩ Олег Боциев иԥсҭазаара дахьалҵыз инамаданы адышшылара ҟаиҵеит.
28.08.2025 190
62-тәи Жәларбжьаратәи ахәаахәҭра-ааглыхратә цәыргақәҵа аҳәаақәа ирҭагӡаны, Дамаск ақалақь аҿы қәҿиарала адгалара мҩаԥган аԥснытәи апавилион. Уи аусмҩаԥгатә асасцәеи алахәылацәеи рыбжьара акыр аинтересс рызцәырнагеит.
28.08.2025 216
Шьамтәыла иҟоу Урыстәыла Ацҳаражәҳәарҭа аҿы Аԥсны адәныҟатәи аусқәа рминистр Олег Барцыц зхадараҿы дыҟоу аделегациеи Урыстәыла ацҳаражәҳәаҩ Алеқсандр Ефимови реиԥылара мҩаԥысит.
28.08.2025 215
Дамаск имҩаԥысуа 62-тәи Жәларбжьаратәи ахәаахәҭра-ааглыхратә цәыргақәҵа аартра рхы аладырхәит Аԥсны адәныҟатәи аусқәа рминистр Олег Барцыц зхадараҿы дыҟоу Аԥсны Аҳәынҭқарра аделегациа.
27.08.2025 190
Аԥсны адәныҟатәи аусқәа рминистр Олег Барцыц напхгара ззиуа аԥснытәи аделегациа аԥсуаа, адыгаа, абазақәа, ачерқьесцәа, егьырҭ урҭ ирзааигәоу ажәларқәа еидызкыло Шьамтәыла иҟоу жәларбжьаратәи аиҿкаара "Адыга Хасе" ахаҭарнакцәа ирԥылеит.
26.08.2025 317
Нанҳәамза 26 азы Аԥсны аҳәынҭқарратә хьыԥшымреи асуверенитети Урыстәылатәи Афедерациа иазханаҵеижьҭеи 17 шықәса ҵуеит. Аҭоурыхтә усԥҟа No1261 инапы аҵаиҩит Урыстәыла ахада Д.А. Медведев, 2008 шықәса нанҳәамза 26 азы.
Аԥсны Аҳәынҭқарра адәныҟатәи аусқәа рминистр Олег Барцыц Ареспублика Никарагуа адәныҟатәи аусқәа рминистр Вальдрак Џьенцке иира Амш идиныҳәалеит.
2025 шықәса нанҳәа 19 азы Еиду Амилаҭқәа Реидгыла аштаб-квартираҿ Ашәарҭадаратә Хеилак алахәылацәа реилатәара мҩаԥысит, уи 2008 шықәсазы иҟалаз ахҭысқәа ирызкын. Аилатәара аихшьаалақәа рыла мраҭашәаратәи тәылақәак рхаҭарнакцәа аицҳәамҭа ҟарҵеит Қырҭтәыла аҵакыратә акзаара иадгыланы, Аԥсни Аахыҵ Уаԥстәылеи рырратә базақәа ахьыҟоу иаҿагылани.
2025 шықәса нанҳәа 15 азы, Сҭамԥыл, Ҭырқәтәыла иҟоу Аԥсны Аҳәынҭқарра азинмчы змоу Ахаҭарнакраҿы Аԥсны ахаҭарнак Ибраҳим Аҩӡбеи Сҭамԥыл иҟоу Урыстәылатәи Афедерациа аконсул Хада Андреи Буравови реиԥылара мҩаԥысит.
АҞӘА, нанҳәа 16. /ТАСС/. Урыстәылеи Америкатәи Аидгылеи рхадацәа Владимир Путини Дональд Трампи Алиаска реиԥылара иалҵшәаны атәылақәа реизыҟазаашьақәа еиӷьхап ҳәа агәыӷра ҳамоуп ҳәа игәаанагара ааирԥшит ТАСС акорреспондент диҿцәажәо ахадацәа реиԥылара ахҳәаа азҭаз Аԥсны адәныҟатәи аусқәа рминистр Олег Барцыц.
Венесуела адәныҟатәи аусқәа рминистрра ааԥхьарала, 2025 шықәса нанҳәа 12 азы Заур Ӷәаџьаа Венесуелеи Ирани адипломатиатә еизыҟазаашьақәа рыбжьаҵара 75 шықәса ахыҵра иазкыз аусмҩаԥгатә ихы алаирхәит. Аусмҩаԥгатә напхгара аиҭоит Венесуела адәныҟатәи аусқәа рминистр Иван Хиль Пинто.
Аԥсны Аҳәынҭқарра адәныҟатәи аусқәа рминистр Олег Барцыц Боливариантәи Ареспублика Венесуела адәныҟатәи аусқәа рминистр Иван Едуардо Хиль Пинто иира Амш идиныҳәалеит.
15.08.2025 186
Аԥсны Аҳәынҭқарра адәныҟатәи аусқәа рминистр Олег Барцыц Гәдоуҭа ақалақь аҿы хатәгәаԥхарала еибашьуаз рбаҟа амҵан ашәҭ шьыҵәрақәа рышьҭаҵара иазку аусмҩаԥгатә ихы алаирхәит.
Тирасполь, Приднестровиатәи Молдавиатәи Ареспублика аҿы иҟоу Аԥсны Аҳәынҭқарра Аофициалтә Хаҭарнакра хыбраҿы 1992-1993 шықәсқәа рзтәи Аԥсны Жәлар Рџьынџьтәылатә еибашьра алагара иазку атематикатә баннер зкыду амемориалтә ҭыԥ аадыртит.
14.08.2025 172
Нанҳәа 14 рзы Аԥсны адәныҟатәи аусқәа рминистр ихаҭыԥуаҩ Одиссеи Бигәааи Аахыҵ Уаԥстәыла иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Алан Елбакиеви ҭелла еицәажәеит.
2025 шықәса нанҳәа 12 азы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела Адәныҟатәи аусқәа Рминистрра ааԥхьарала, атәыла адәныҟатәи аусқәа рминистр инапхгарала имҩаԥысыз аилатәара далахәын. Аилатәараҿы Еиду Америкатәи аштатқәа реиҳабыра Венесуела аҭагылазаашьа ашьақәҟьаразы иҟанаҵо аҽазышәара атәы иалацәажәеит.
14.08.2025 183
Иахьа, нанҳәа 14 азы, 33 шықәса ҵит 1992-1993 шықәсқәа рзтәи Аԥсны Жәлар Рџьынџьтәылатә еибашьра иалагеижьҭеи. Аԥсны адәныҟатәи аусқәа Рминистрра анапхгареи аколлективи Аҟәа ақалақь Ахьӡ-Аԥша апарк аҿы 1992-1993 шықәсқәа рзы имҩаԥысуаз Аԥсны жәлар Рџьынџьтәылатә еибашьраҿы иҭахаз ргәалашәара амемориал аҿы ашәҭ шьыҵәрақәа рышьҭаҵара иазку ацеремониа рхы аладырхәит.
Нанҳәа 8 азы, Приднестровиатәи Молдавиатәи Ареспубликаҿ Аԥсны Аҳәынҭқарра Аофициалтә Хаҭарнакра еиҿнакааит Аԥсны Аҳәынҭқарратә миграциатә Маҵзура анаԥхгаҩы Саид Ҵнариеи Приднестровтәи Молдавиатәи Ареспублика аҩныҵҟатәи аусқәа Рминистрра амиграциатә усбарҭа аиҳабы Светлана Пысинеи онлаин реиԥылара.
11.08.2025 314
Аԥсны Аҳәынҭқарра адәныҟатәи аусқәа рминистр ихаҭыԥуаҩ, Кавказнхыҵтәи аҭышәынтәалареи ашәарҭадареи ирызку Жәларбжьаратәи аиҿцәажәарақәа рҿы Аԥсны Аделегациа аиҳабы, аҷыдалкаатә зинмчы змоу ацҳаражәҳәаҩ Одиссеи Бигәаа Қырҭтәыла аԥыза-министр Иракли Кобахиӡе иҳәамҭазы иҟаиҵаз аофициалтә хҳәаа.