Ажәабжь ҿыцқәа
Аԥсны Аҳәынҭқарра адәныҟатәи аусқәа рминистр Олег Барцыц Ауаажәларратә палата Ахеилак алахәыла, Аԥсны адәныҟатәи аусқәа уаанӡатәи рминистр Сократ Џьынџьал иира амш идиныҳәалеит.
Ԥхынҷкәын 11 рзы Аԥсны адәныҟатәи аусқәа рминистр Олег Барцыци Аԥснытәи аҳәынҭқарратә университет апрофессорра-рҵаҩратә еилазаареи азанааҭ «Жәларбжьаратәи аизыҟазаашьақәа» астудентцәеи реиԥылара аҳәаақәа ирҭагӡаны имҩаԥысит Олег Барцыци ААУ аректор Алеко Гәарамиеи реиԥылара.
Ԥхынҷкәынмза 11 рзы Аԥсны Аҳәынҭқарра адәныҟатәи аусқәа рминистр Олег Барцыц Аԥснытәи Аҳәынҭқарратә университет «Жәларбжьаратәи аизыҟазаашьақәа» афакультет астудентцәа дырԥылеит.
10.12.2025 108
Аԥсны Адәныҟатәи аусқәа рминистр Ихаҭыԥуаҩ Одиссеи Бигәаа истатиа. ИА "АԤСНЫПРЕСС" (АРЕСПУБЛИКАТӘ АҲӘЫНҬҚАРРАТӘ УСБАРҬА "АԤСНЫМЕДИА")
Ԥхынҷкәынмза 9, 2025 шықәсазы Ареспублика Никарагуа иҟоу аҷыдалкаатә зинмчы змоу Аԥсны ацҳаражәҳәаҩ Инар Ладариеи Ацҳаражәҳәарҭа абжьгаҩ Алиас Аибеи адокументалтә кино афестиваль «RT Адок: Ҳфырхацәа раамҭа» аартра ацеремониа иаҭааит. Афестиваль Никарагуа Амилаҭтә синематека азал Ду аҿы имҩаԥысит.
Ареспублика Никарагуа иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи 2025 шықәса ԥхынҷкәын 3 рзы зыԥсҭазаара иалҵыз Урыстәылатәи Афедерациа аҷыдалкаатә зинмч змаз ацҳаражәҳәаҩ Николаи Михаил-иԥа Владимир изкыз алахьеиқәҵаратә церемониа рхы аладырхәит.
Аԥсны Аҳәынҭқарра адәныҟатәи аусқәа рминистр Олег Барцыц Аԥсны Жәлар рартистка, Урыстәыла зҽаԥсазтәыз артистка Алиса Гыцба лиубилеи лыдиныҳәалеит.
Ԥхынҷкәын 4 рзы Аԥсны Аҳәынҭқарра адәныҟатәи аусқәа рминистр Олег Барцыц дидикылеит ҳџьынџьуаа рделегациа напхгара азызуа, Ҭырқәтәыла иҟоу аԥсуа культуратә центрқәа Рфедерациа ахада Иауз Аҭрышба.
2025 шықәса ԥхынҷкәынмза 3 рзы агазеҭ «Известиа» аҟны икьыԥхьу Урыстәыла адәныҟатәи аусқәа Рминистрра иҟанаҵаз ахҳәааҿы иқәыргылоу азҵаарақәа жәпакы рганахь ала Аԥсны Аҳәынҭқарра иааннакыло апозициа аилыркаара хымԥадатәины иҳаԥхьаӡоит.
Аҭҵаарадырратә журнал "Петербургтәи кавказҭҵааратә альманах" актәи аномер ҭыҵит. Альманах аҿы икьыԥхьоуп афилологиатә ҭҵаарадыррақәа рдоктор, Германиатәи Афедералтә Республикаҿы Аԥсны Аҳәынҭқарра азинмч нагӡа змоу ахаҭарнак Хьыбла Амҷба лыстатиа "Аԥсуа бызшәеи уи Кавказтәи абызшәатә ҭаацәараҿы иааннакыло аҭыԥи". Аматериал кавказтәи абызшәатә ҭаацәара аконтекст аҿы аԥсуа бызшәа иааннакыло арольи уи аҭҵаареи аиқәырхареи рҿы иахьатәи азҵаарақәеи ирызкуп.
Афедеративтә Республика Германиа иҟоу Аԥсны Аҳәынҭқарра азинмч наӡа змоу ахаҭарнак Хьыбла Амҷба Берлин Ахәаахәҭра-Ааглыхратә Палата (DIHK) аҿы имҩаԥысыз аекономикатә форум далахәын.
01.12.2025 139
Аԥсны Адәныҟатәи аусқәа рминистрраҿы, ԥхынҷкәын 1 азы, аминистр ихаҭыԥуаҩ Одиссеи Бигәаа жәларбжьаратәи аицлабрақәа "Кубок Небесная грация" зхы рылазырхәыз, жәа-шықәса зхыҵуа агимнастка Софиа Боџьгәуа дидикылеит.
Абҵара 29-30 рзы Никарагуа имҩаԥысит Жәларбжьаратәи агастрономиеи, акультуреи, атрадициақәеи рфестиваль. Аусмҩаԥгатә еиднакылеит 39тәыла рхаҭарнакцәа.
Аԥсны Аҳәынҭқарра адәныҟатәи аусқәа рминистр Олег Барцыц Ареспублика Никарагуа адәныҟатәи аусқәа рминистр ихаҭыԥуаҩ Денис Роналдо Монкада Колиндрес иира Амш идиныҳәалеит.
26.11.2025 171
31 шықәса раԥхьа, 1994 шықәса абҵара 26 рзы Аԥсны Аҳәынҭқарра Иреиҳаӡоу Ахеилак аилатәараҿы ирыдыркылеит Аҳәынҭқарра Азакәан Хада.
Аԥсны Аҳәынҭқарра адәныҟатәи аусқәа рминистр Олег Барцыц Аԥснытәи аҳәынҭқарратә университет аԥсуа литература акафедра адоцент, Леон иорден занашьоу Адгәыр Какоба ииубилеи идиныҳәалеит.
Аԥсны Аҳәынҭқарра адәныҟатәи аусқәа рминистр Олег Барцыц Иауз Аҭрышба Ҭырқәтәыла иҟоу аԥсуа культуратә центрқәа Рфедерациа ахадас иҟалара идиныҳәалеит.
20.11.2025 150
Аԥсны Аҳәынҭқарра адәныҟатәи аусқәа рминистр Олег Барцыц афилологиатә наукақәа рдоктор, Аԥснытәи аҳәынҭқарратә университет апрофессор Екатерина Бебиаԥҳа лымшира лыдиныҳәалеит.
18.11.2025 148
Жәларбжьаратәи адокументалтә кинофестиваль "RТ.Док: Ҳфырхацәа раамҭа" хыркәшахеит Аҟәа.